98

راجوری میں کنٹرول لائن پر دراندازی کی کوشش ناکام بنائی گئی

راجوری میں لائن آف کنٹرول پر دراندازی کی ایک کوشش کے دوران سیکورٹی فورسز اور جنگجوﺅں کے مابین گولی باری کا تبادلہ ہوا جس کے بعد سرحد کے قریب سیکورٹی بڑھا دی گئی ہے ۔ سی این آئی کو دفاعی ذرائع سے معلوم ہوا ہے کہ راجوری میں لائن آف کنٹرول کے نزدیک تعینات فوجی اہلکاروں نے دراندازوں کے ایک گروپ کی نقل و حمل دیکھی جو اس پار آنے کی کوشش میں تھے ۔ اسی دوران جونہی سرحدی حفاظتی فورسز نے گروپ کو للکارا اور واپس جانے کو کہا تو انہوں نے وہاں سے گولیاں چلائی جس کے ساتھ ہی سیکورٹی فورسز اہلکاروں نے بھی جوابی کارورائی کی اور طرفین کے مابین گولیوں کا تبادلہ کچھ دیر تک جاری رہا ۔ دفاعی ترجمان نے اس کی تصدیق کرتے ہوئے بتایا کہ کنٹرول لائن کے نزدیک راجوری میں دراندازوں کے ایک گروپ کی نقل و حمل دیکھنے کے بعد انہیں للکارا گیا تاہم انہوں نے وہاں سے گولیاں چلائی۔ انہوں نے کہا کہ سرحد کے قریب سیکورٹی برھا ڈی گئی ہے جبکہ جنگلات میںتلاشی آپریشن شروع کر دیا گیا ہے اور آپریشن جاری ہے۔

اس خبر پر اپنی رائے کا اظہار کریں

اپنا تبصرہ بھیجیں