سرینگر میں مندر کو آگ لگانے کی خبریں بے بنیاد

سرینگر میں مندر کو آگ لگانے کی خبروں کو بے بنیاد اور جعلی قرار دیتے ہوئے پولیس نے کہا کہ جعلی خبریں پھیلانے والوں کےخلاف کیس درج کر لی گئی ہے اور ان قانون کے مطابق کارورائی ہو گی ۔ سی این آئی کے مطابق سوشل میڈیا پر ایک خبر گشت کر رہی تھی جس میں لکھا گیا تھا کہ سرینگر میں قائم ایک مندر کو آگ لگا دی گئی ہے ۔ جس کے بعد پولیس نے سوشل میڈیا کے پوسٹ پر رد عمل کا اظہار کرتے ہوئے واضح کیا ہے کہ ایسا سرینگر میںکوئی واقعہ پیش نہیں آیا ہے اور خبر جعلی اور بے بنیاد ہے ۔ٹویٹر پر ایک ٹویٹ میں پولیس نے لکھا کہ سرینگر میں قائم ایک مندر کو آگ لگانے سے متعلق سوشل میڈیا پر موجود خبر کی کوئی حقیقت نہیں ہے۔اس جعلی خبر کی تشہیر کرنے والوں کیخلاف کیس درج کرلیا گیا ہے۔ خیال رہے کہ اس سے قبل سوشل میڈیا پر خبریں پھیل گئی تھی کہ سرینگر کے صورہ علاقے میں قائم مندر کو آگ لگا دی گئی ہے اور اسکو جلایا گیا ہے ۔